O proxecto Capta traballará para mellorar a resiliencia costeira na eurorexión Galicia-norte de Portugal
A xuntanza de lanzamento tivo lugar hoxe mércores na sede do Cetmar en Vigo e contou coa presenza de investigadores dos dous grupos da Universidade de Vigo implicados, EPhysLab e EcoCost, ambos adscritos ao CIM-UVigo, Centro de Investigación Mariña.
Identificar as ameazas, vulnerabilidades e riscos climáticos para os espazos costeiros
A finalidade desta proposta é crear un marco de cooperación transfronteiriza que permita identificar as ameazas, vulnerabilidades e riscos climáticos aos que se enfrontan os espazos costeiros e establecer actuacións coordinadas para a súa conservación. Deste xeito, os socios tratarán de facilitar procedementos homoxéneos e información comparable sobre riscos climáticos, permitindo accións conxuntas e avaliando o papel que prestan os ecosistemas litorais como sumidoiros de carbono mediante o uso de novas tecnoloxías, como satélites, vehículos aéreos non tripulados ou redes neuronais, entre outras.
No acto de lanzamento, a directora do Cetmar, Paloma Rueda, destacou a relevancia da iniciativa, que axudará a identificar novos indicadores ambientais para sistemas de alerta nun escenario de cambio climático, e a aplicar metodoloxías comúns para a análise dos fluxos de CO2 e a captación de carbono azul na costa. Capta contribuirá ademais a identificar as principais ameazas e riscos climáticos na zona costeira e a difundir o valor da cooperación transfronteiriza como apoio para unha mellor adaptación e resiliencia ao cambio climático, implicando especialmente á poboación más nova nestas accións.
Un consorcio transfronteirizo
A Consellería do Mar participa activamente neste proxecto a través da Fundación Cetmar, que coordina a iniciativa, e do Instituto Tecnolóxico para o Control do Medio Mariño-Intecmar, aos que se suma a Dirección Xeral de Calidade Ambiental, Sostibilidade e Cambio Climático-Meteogalicia, pertencente á Consellería de Medio Ambiente, Territorio e Vivenda. Todos eles forman parte do Observatorio Costeiro da Xunta de Galicia e do Observatorio do Marxe Ibérico-Observatorio RAIA. Xunto con estes organismos e a Universidade de Vigo, son socios de Capta a Universidade da Coruña , o Instituto de Investigacións Mariñas-CSIC, o Instituto Español de Oceanografía-CSIC pola parte española, e as universidades de Porto e Aveiro, o Instituto de Engenharia de Sistemas e Computadores do Porto (Inesc TEC) e o Ciimar como socios portugueses, a maioría deles tamén socios fundadores do Observatorio RAIA.
Identificar as ameazas, vulnerabilidades e riscos climáticos para os espazos costeiros
A finalidade desta proposta é crear un marco de cooperación transfronteiriza que permita identificar as ameazas, vulnerabilidades e riscos climáticos aos que se enfrontan os espazos costeiros e establecer actuacións coordinadas para a súa conservación. Deste xeito, os socios tratarán de facilitar procedementos homoxéneos e información comparable sobre riscos climáticos, permitindo accións conxuntas e avaliando o papel que prestan os ecosistemas litorais como sumidoiros de carbono mediante o uso de novas tecnoloxías, como satélites, vehículos aéreos non tripulados ou redes neuronais, entre outras.
No acto de lanzamento, a directora do Cetmar, Paloma Rueda, destacou a relevancia da iniciativa, que axudará a identificar novos indicadores ambientais para sistemas de alerta nun escenario de cambio climático, e a aplicar metodoloxías comúns para a análise dos fluxos de CO2 e a captación de carbono azul na costa. Capta contribuirá ademais a identificar as principais ameazas e riscos climáticos na zona costeira e a difundir o valor da cooperación transfronteiriza como apoio para unha mellor adaptación e resiliencia ao cambio climático, implicando especialmente á poboación más nova nestas accións.
Un consorcio transfronteirizo
A Consellería do Mar participa activamente neste proxecto a través da Fundación Cetmar, que coordina a iniciativa, e do Instituto Tecnolóxico para o Control do Medio Mariño-Intecmar, aos que se suma a Dirección Xeral de Calidade Ambiental, Sostibilidade e Cambio Climático-Meteogalicia, pertencente á Consellería de Medio Ambiente, Territorio e Vivenda. Todos eles forman parte do Observatorio Costeiro da Xunta de Galicia e do Observatorio do Marxe Ibérico-Observatorio RAIA. Xunto con estes organismos e a Universidade de Vigo, son socios de Capta a Universidade da Coruña , o Instituto de Investigacións Mariñas-CSIC, o Instituto Español de Oceanografía-CSIC pola parte española, e as universidades de Porto e Aveiro, o Instituto de Engenharia de Sistemas e Computadores do Porto (Inesc TEC) e o Ciimar como socios portugueses, a maioría deles tamén socios fundadores do Observatorio RAIA.
Universidade de Vigo